We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

ARA

by rodín

/
1.
Vòli ben Se me permetes T'èstre agradiu Èstre lo tèxte Que te careça E la paraula Dins ta tèsta Vòli ben Te dire suau L'ora dau desvelh E te veire sorrire De simplicitat Perqué l'estona d'ara Es pas encara dicha Paraula doça De temps ancians Per te curbir Dei mòts-careças Que fas nàisser A mon desvelh Ai ton imatge E ton abséncia Dau meme tèmps Me fan levar E fargar Lo lengatge doç De meis ainats Per seis amors Tant de paciéncia Me geina pas T'esperarai sens m'avisar Que lei pensadas De tu a mon caire Ja li son E li saràn per d'autrei Temps que la consciéncia Coneis gaire D'un pas sens pes Ai esquichat la brasa Que l'auba aviá Afrescolida Sentiá la lenha passida E l'aiganha E ma man dessenhava Lo retrach de tei mòts Ai quitat mon liech per lei camins Quitat teis uelhs Per lei rius de montanha E lei meles d'auturas Ai destriat leis enganas Deis oras simplas Per m'endralhar devèrs La lutz Çò qu’es e l’alen E la valor De nos Una nuech Que passaràs Sens m’avisar Me far riseta Dintre mei braç Ton pitre viu Tei mans seguras Me diràs: ven Coma un recòrd Dau promier mòt Ton còrs aquesto còp Tu que sabes Lo gost de nos Çò qu’es e l’alen E la valor De nos Una nuech Que passaràs Sens m’avisar Me far riseta Dintre mei braç Ton pitre viu Tei mans seguras Me diràs: ven Coma un recòrd Dau promier mòt Ton còrs aquesto còp Pas escondut Escotarai Lipet tei bocas Me dire just Que siam lo nos De tot Ai dançat Sus lo monde endormit Coma un fiu De seda banhada Sus un fuec amorçat
2.
De tant d'amigas Qu'ai tengut la man Quant encara me sabon Quant d'elei an de brigas De l'amant qu'èri M'oblidèran bessai Lei nusas dau passat Musas encuei D'una fugida D'imatges que li fuguèri Un temps M'oblidèran tant Coma sabi pus tròp pereu Lo tocar banhat De sa pèu correnta Fem de seis uelhs Nòstre mirau Puei ven lo sòm e Siam pus ren Fins qu'au jorn D'un pareu d'ametlas Que nos regacha Embé fisança Tornam lei mans Dins l'aiga tèbia Uèi Me siáu vestit Dau perfum de tu Perfiecha odor Dau ventre ligat De l'enveja de tu Mentre que siáu Dins lo sòmi Te vieu encara desvestida E mei bocas se pican de tu Ta peu lusiá de mon esquilh Eriam toei dos Coma un solet Eriam tot doç Assadolats Ara te senti prefond Coma s'èri tu E careçavi Ton ventre nus Esquilhaviam Lisquets Dins lo ruscle de l'autre Se siam fonduts Dins lo muscle unenc Odor de bèstia Floreta que me vestisse Tastariáu ta doçor Tant e encara Coma te voliáu Coma voliáu ton pitre redond Sur ma cara pelada de fresc Eriam urós dau temps de la calor Dansaviam nus Sus lo còrs banhat Deis amants passionats E lo còr tustava Me gostavi de tu Lo barrutlaire qu'èri T'agradava E me manjaves Dau retrach Avans de me Negar dins lo balanç De teis possas caudetas Au perfum Sauvatge Que senti uèi Me siáu negat Dins lo ren dire Tres còps lo jorn Nos fasiam viure E mancaviam De vida encara Coma s'eriam De morir lèu Nos mancaviam Leis uelhs sarrats Odor de tu Aire vitau Se siam quitats Sens ren se dire Coma se l'odor De l'amor Nos empachava De viure
3.
Au liech a l'ora de la campanha Ai fàcia ieu la lampa dau vilatge Que banha la fonsor de la cambra Que se li vesiáu ta cara A mon caire T'aimariáu per mila ans encara Aquí solet dins la maganha Aimi m'amagar Dins la pensada de tu Sota una cuberta d'aiganha lana sentir l'odor de lenha abrada Dins lo bruch sec de la brasa lontana Coneissi de l'amor Lei noms lei vicis Lei dralhas lei torns Que coma un camin L'ai seguit e perdut Coneissi de l'amor L'espèra e lo gaug La jòia e l'espèr E lo fogau e lo freg De l'engana Coneissi de l'amor Lo dobte e la paur E l'oblit e l'andar Que l'ai viscut ieu Ja mila vidas Puei ven l'una Que lo temps s'arrèsta Lèsta feruna A la vista dau fuec luna E pus ren compta Que lo pur encòntre Puei entre dos Lo fuec ven pereu còntra E ieu oblidi lei noms Lei vicis lei dobtes Que de tu mendra gota Es una jòia sens fons E ieu coneissi ton nom Tei gaugs e ton gost Que lei senti prefonds Coma cent tipes fan E ieu coneissi ton arma Tei plors e ton rire Coma s'èri tu tant Vouriáu estre ton tot Es pesuga mon espèra E sens èsser segura Passa Pasmens Sembla bastanta L'estona Dau dobte Lo doç s'escafa Coma l'odor cauda E rasseguranta de tu S'escapa Durant de tròp Lo temps a ges de gost E mei mans Son sens esquilh Coma lo bruch rauc D'un fuec de lenha verda
4.
Traversarai lo pertús E dansarai se que non siam perduts E lo farai per tu Mai que per l'us Que dins la sombror dau varalh Te causiguèri per lutz Laissarai leis oras sornas Detràs lo pont de fusta Seguirai l'onda lusor Qu'ai pron dei luchas sens gost Còntra la fosca Traversarai lo pertús Dau temps de sens tu Siguèsse cent ans Tant que detràs siguem dos Passarai lo destrech que nos liga Que d'èsser tres estiga Ma tristessa e siáu las Aici s'escriu ce que lo mai compta Es que la cresença sens dobte E l'amor sens ombra S'ameritan la rota siguèsse lònga Per anar quèrre au fons de la dotz La gota doçor que dedins Se viam totei dos Partirem Sus lei dralhas estrechas E lei camins tòrts Lo retrach segur Fàcia au solèu morissent D'un setembre aupenc Partirem Drechs e sens esitar Caminarem toei dos D'un pas assegurat E liure pasmens de Tota pressa Partirem Detràs la menta sauvatja E la serp crentoá Dei vias secas Aurèm l'orizon Per noirir nòstre alen Partirem Per estre ailà Ais aliscamps Farem rota vers Lo nos simple e estelat De l'aiga linda Partirem Per estre nus Dins l'esperit E la pèu liura Dintre lei rius Dei ròcs gigants Partirem Per de matins docets Coma se la vida tota Èra lo tocar de tei dets Dintre lei mieus Mau desvelhats Partirem Per far batèsta Ai vents de facia Lei braç duberts Sens crénher l'aura Ni sa careça Partirem Quand sarai grand Farai fuec Dei causas passadas E dei brasas de tant De plagas dau temps E lo fum sarà cant Sus lei lausas passidas E lo solèu d'aram
5.
Avans de partir Me laissaràs te dire Tant Laissar l'espèr e lo sospir Se dire belèu Se veirem Tant Avans que d'èstre luenh E de trevar lei palais Grandàs dei sovenirs Te dirai Tant Saràs un jorn dei retrachs Negre e blanc ai cadres daurats Dei corredors frescs De ma vida passada Avans que de barrar leis uelhs Laissa me prene ta man Darrier uèi avans deman Qu'a l'aubeta te dirai Tant Laissa me te sentir Un darrier còp Avans jamai Vouriáu li dire Que lo silènci Es paraulat E qu’ai pas paur Deis impossibles Ara qu’avèm Dansat autorn De la dotz E dich lei mòts Doç e passat Lo temps Dei nuechs Dau rire e de tot Vouriáu li dire Leis oras lassas Son sens valor E mei pès lèu Saràn de vent Per m’endralhar Luenh endavans Quitarai lo temps Deis amors Per lei recòrds Embelinats D’un astre Que viviá adès Dins un cèu Aimat de ieu Per sa sabor Levatz me d'aqueu susari Banhat de fonsor E tant pesuc Amics se n'ai Tiratz me devers la lutz Ai lo còrs sorn E la carn passida De languiment Amics d'un tèmps Vòli pus viure tot negat De plagas saladas Per l'enveja de l'atge Banhat de dòu E mieg dòu ais alas Indianas dau vòu Tòrt e leugier Siáu de susor plen E ma pèu esquilha Tant ma tèsta es Clavada de fusta E d'idèas de lenha Lusor d'èla sens signe Es ansin que s'acaba La fèsta
6.
De tant d'amigas Qu'ai tengut la man Quant encara me sabon Quant d'elei an de brigas De l'amant qu'èri D'aiga e de sabon Sus sa pèu Manquèri jamai de Passar ma man Coma lo temps M'oblidèran bessai Lei nusas dau passat Musas encuei D'una fugida D'imatges que li fuguèri Un temps M'oblidèran tant Coma sabi pus tròp pereu Lo tocar banhat De sa pèu correnta Coma lo temps Lo gost dei possas S'es negat L'aiga es de pòussa Sus la paret dei potz Coma tot passa Fem de seis uelhs Nòstre mirau Puei ven lo sòm e Siam pus ren Fins qu'au jorn D'un pareu d'ametlas Que nos regacha Embé fisança Tornam lei mans Dins l'aiga tèbia Coma tot nàisse de nòu Tant que lei granas an De vent E lei cabras de banas L'òme d'imatges dins Sa banasta E lo riu de canas liuras L'aurà de mans per se negar Dins lo sabon dau temps passat Uèi Me siáu vestit Dau perfum de tu Perfiecha odor Dau ventre ligat De l'enveja de tu Mentre que siáu Dins lo sòmi Te vieu encara desvestida E mei bocas se pican de tu Ta peu lusiá de mon esquilh Eriam toei dos Coma un solet Eriam tot doç Assadolats Ara te senti prefond Coma s'èri tu E careçavi Ton ventre nus Esquilhaviam Lisquets Dins lo ruscle de l'autre Se siam fonduts Dins lo muscle unenc Odor de bèstia Floreta que me vestisse Tastariáu ta doçor Tant e encara Coma te voliáu Coma voliáu ton pitre redond Sur ma cara pelada de fresc Eriam urós dau temps de la calor Dansaviam nus Sus lo còrs banhat Deis amants passionats E lo còr tustava Me gostavi de tu Lo barrutlaire qu'èri T'agradava E me manjaves Dau retrach Avans de me Negar dins lo balanç De teis possas caudetas Au perfum Sauvatge Que senti uèi Me siáu negat Dins lo ren dire Tres còps lo jorn Nos fasiam viure E mancaviam De vida encara Coma s'eriam De morir lèu Nos mancaviam Leis uelhs sarrats Odor de tu Aire vitau Se siam quitats Sens ren se dire Coma se l'odor De l'amor Nos empachava De viure

credits

released October 2, 2015

license

all rights reserved

tags

about

rodín Marseille, France

contact / help

Contact rodín

Streaming and
Download help

Redeem code

Report this album or account

rodín recommends:

If you like rodín, you may also like: